Услови за користење и правно оградување

Веб-платформата „nezgoda.mk“ претставува општествено одговорна иницијатива основана, администрирана и стручно водена од Адвокатско друштво Гаврилоски и Андреев Скопје. Платформата има исклучиво едукативен, информативен и ориентационен карактер, со примарна цел олеснување на пристапот на граѓаните до општи правни насоки и согледување на нивните законски права по претрпена незгода или настаната штета.

(1) Текстовите, водичите, пресметките, одговорите на најчесто поставувани прашања и сите останати материјали објавени на nezgoda.mk претставуваат информации од општ карактер и не претставуваат, ниту можат да се толкуваат како конкретен правен совет, правно мислење или преземање застапување по конкретен предмет.

(2) Секоја правна ситуација зависи од специфичните факти, докази, рокови на застареност и околности на настанот. Со самото читање, прегледување или користење на содржините на страницата НЕ се воспоставува однос адвокат-клиент меѓу корисникот и Адвокатско друштво Гаврилоски и Андреев.

(3) Однос на правно застапување и давање правна помош согласно Законот за адвокатурата настанува исклучиво со потпишување на формално полномошно и склучување договор за правна помош.

(1) Корисникот самостојно одлучува дали и на кој начин ќе ги искористи општите информации достапни на страницата. Адвокатското друштво и nezgoda.mk не преземаат одговорност за каква било материјална или нематеријална штета, загуба на права или пропуштање на законски рокови кои би настанале како резултат на постапување или воздржување од постапување на корисникот врз основа единствено на општите информации од страницата, без претходно побарана индивидуална правна помош од адвокат или стручно лице.

(2) Иако вложуваме максимални напори содржината да биде точна и усогласена со позитивните законски прописи во Република Северна Македонија, не гарантираме за нејзината моментална потполност поради честите законски и судски измени.

Испраќањето барање, прашање или документација преку контакт-формите на nezgoda.mk има карактер на претходна консултативна иницијатива за евалуација на случајот и не создава обврска за автоматско правно застапување за Адвокатското друштво се додека истото не биде изречно договорено.

Со прифаќањето на овие Услови на користење, корисникот потврдува дека е запознаен со нашата Политика за заштита на личните податоци. Сите лични и медицински податоци доставени преку платформата се обработуваат во согласност со Законот за заштита на личните податоци и подлежат на највисоките стандарди за доверливост и чување на адвокатската тајна согласно членот 17 од Законот за адвокатурата.